房協為咗宣傳佢哋嘅三十億元「樓字管理維修綜合計劃」，請咗萬人迷陳寶珠拍咗輯廣告，聽講五月出街。有房協好友同八方講，寶珠姐今次是以友情價接拍呢輯廣告，目的係呼籲啲老業主及早維修舊樓。
講開寶珠姐，佢呢輪好紅，因為好多政界名人都應邀去捧場睇佢套《劍雪浮生》，早前董太以德育關注小組創辦人嘅身份去咗演藝學院，佢重大讚寶珠姐佢哋演出優秀。
咁多人圍住A1，佢都應該會開心啲，八方聽聞，佢前晚喺特區政府及行會宴請中嘅表現，仍然有啲酸溜溜嘅味道，一下子由特區第一夫人變成普通人（國家領導人夫人冇乜人知係乜），係要時間適應，都係阿董EQ高啲。
傳真︰2623-9278
電郵︰[email protected]