黎姿昨日穿上V領T恤襯短裙，到一小學出席愛護動物協會活動，教導小朋友切勿輕易遺棄寵物。小學生見到黎姿到場均十分開心，而黎姿看到大班小學生即母性大發，表示希望在四十歲前做母親。
黎姿最近未有拍攝新劇，所以把握時間登台及參與慈善活動。昨日她出席由愛護動物協會舉辦、於天水圍一間小學的活動，教導小學生切勿輕易遺棄寵物。黎姿向百多位學生講解時，顯得相當興奮，她笑着問學生們：「你哋有冇睇我嘅劇集呀？嘻嘻，我好似個老師咁呀！」
面對一眾小學生，黎姿十分開心，她說：「我之前都試過喺班中學生面前講嘢，但係今次對住班小朋友真係好開心，好溫馨。其實我好鍾意小朋友，又唔會怕佢哋嘈，可能人愈大就愈鍾意細路仔啦，搞到我母性都強啲呀！班小朋友真係好純真，出到社會之後，個人可能會變得好複雜㗎，佢哋係社會未來嘅棟樑，所以我哋要好好教育佢哋。」
雖然黎姿仍未結婚，但她昨日卻表示想快些生兒育女，她說：「我好想生BB，但係𠵱家重未搵到老公，我又唔想做未婚媽媽。我計劃四十歲前生，生幾多都冇所謂，生到幾多咪幾多囉！」
黎姿表示早前參與助養小朋友計劃，她說：「我一向有助養細路，但唔會領養，除非我生唔到啦，𠵱家我助養嘅小朋友全部都係內地嘅，我覺得內地嘅教學資源唔夠，同香港差好遠。」
採訪、攝影：王連連
