全球期待，等緊五月中上畫嘅《星戰前傳》第三部曲，未正式公演已經有唔少相關產品應市造勢；繼例必有嘅可樂罐、Figure及PCGames外，重有款非常得意搞鬼嘅TVGame版《LegoStarWars》！遊戲收錄《星戰前傳》三集內容，基本上將黑武士上半生重現一次，最搞鬼係遊戲內所有人物及場景，均由Lego所砌成，敵我雙方都咁的骰，打起上嚟相當之盞鬼過癮！而且有超過30名電影角色登場畀你揀嚟玩，想扮邊個都得，正義同邪惡任你揀。
據官方報道，現實世界中嘅Lego玩家，更可跟足遊戲咁，將各式各樣戰機、戰艦砌出嚟，活像一隻Lego教學光碟！對比喺街買到嘅《星戰》Lego套裝，肯定抵玩得多！
記者：徐影龍
