由亞視舉辦的《2005亞洲先生競選》昨宣布開始接受報名，並邀請了四位型男尹子維、王合喜、連凱及葉山豪擔任形象顧問，不過他們的注意力全都集中在以性感肚兜作招徠的饒珮君身上。
亞視昨日在黃埔海逸酒店舉行《2005亞洲先生競選》記者招待會，該選舉由即日起接受報名，截至六月三日止。亞視今次特別邀請了四位型男尹子維、王合喜、連凱及葉山豪擔任大會形象顧問，不過昨日司儀饒珮君（前名饒林紅）的性感打扮，卻吸引四位型男目光，她身穿一件蝴蝶形肚兜加一件西裝外套，盡現玲瓏浮凸的身材。
當饒珮君脫去西裝外套時，四位型男即報以掌聲，饒珮君說：「咁今日咁多型男，我梗係要着靚啲，件衫喺《下午麼麼茶》（亞視午間節目）入面教跳拉丁舞時着過，第一次着口碑已經好好，好多人見我着過效果咁好都想買，𠵱家間賣跳舞衫嘅公司會贊助我，所以我好多時都着呢啲性感拉丁舞衫，當係fashion咁mixandmatch。」
大會亦安排四位型男跟男模特兒一同行天橋，對於型男的準則，連凱說：「我覺得做一個男仔唔簡單，唔好唔男唔女，要有肉、大隻。」對於無綫有意在七月舉行《香港先生競選》，亞視副總裁葉家寶說：「歡迎之至，不過估唔到友台一路抄橋，我哋係有備而戰，亞洲先生梗係有水準、有質素，到時會有日本、韓國、伊朗代表，應屆亞洲先生重有機會參加十一月喺印度一年一度舉行嘅國際先生競選。」
此外，譚小環昨在電視城就無綫舉辦《香港先生競選》表示舉腳贊成，她說：「好吖，平時啲人睇選美慣咗睇女仔，起碼有新鮮感，啲觀眾真係有眼福，好似泳褲、沙灘、才藝表演呢啲環節一定唔可以缺少，我想自薦做司儀，重會叫身邊男仔參加。」而外事部助理總監曾醒明表示無綫將成立專責小組籌辦《香港先生競選》，下月開始招募，預計七月舉行。
採訪、攝影：楊潔雯
