間間大學都渴水，城大推出籌款計劃，呼籲啲校友、學生同教職員將人工嘅一巴仙捐畀學校，有個喺學校參加「邊學邊做」計劃、搵二千蚊一個月嘅同學，都決定每個月捐廿蚊出嚟。除此之外，學校重會向成功人士募捐，幫啲善長拍短片，紀錄佢哋嘅成功經驗同奮鬥過程嚟做教材，存放喺圖書館畀啲學生借嚟睇。
張信剛校長噚日話，聽聞第三期等額補助金已經籌備得如火如荼，佢誇下海口話，雖然港大校友捐款總額多過城大，但如果計番城大校友嘅總人工同捐款嘅比例，就一定高過港大校友。張校長咁講，唔知係想證明城大校友對學校好有歸屬感，抑或覺得校友嘅人工低過港大呢？
傳真︰2623-9278
電郵︰[email protected]