橫樑壓頂，中國人就至棹忌，風水角度話壓住邊度就邊度多毛病，但香港地好多樓宇結構都設有橫樑，並唔係話咁易就避到。尤其是睡房遇正有條橫樑喺床頭，朝朝早睜開眼就對到正，瞓得個人都唔自在。若空間許可，可將橫樑位變成凹槽，裝番幾支射燈，牆上掛畫，床頭位則可變成儲物格，睡床就稍稍後移，咁就唔怕日日橫樑壓頂啦！