有份演出韓劇《悲傷戀歌》嘅延政勛，今日會同女星韓佳茵舉行婚禮，由於佢哋兩個都好忙，諗住婚禮之後都冇時間註冊，所以上星期五已經抽咗時間，提前去辦理結婚註冊手續，𠵱家佢哋兩個已經成為合法夫婦。而《悲》劇拍檔權相佑最近亦主動喺網頁內祝福延政勛，話好羨慕佢哋兩個咁恩愛，重話喺春天舉行婚禮係非常之好㖭。