左派同商界噚日幫老董搞咗個「升上神枱慶祝會」，喺會展新翼筵開百幾二百圍。雖然名義上主角係老董，不過啲焦點全部集中晒喺煲呔度，煲呔有機會當然滿場飛，笑笑口咁同啲商界左派拉關係，分分鐘連提名都攞夠埋。
左派今鋪落足重本畀老董風光落台，兼搭埋個台畀煲呔拉票，加埋老董喺會上大力挺曾接棒，搞到有啲似挺曾參選特首大會咁。左派呢鋪唔知算唔算係陪了夫人又折兵？
呢個慶祝會至少幫煲呔拉咗一票，好似人大陳有慶咁，佢會後就話老董好明顯係叫佢哋支持煲呔做特首，佢梗係支持煲呔做特首啦。政協常委陳永棋就話，煲呔絕對符合做特首嘅條件，不過最好都係等釋埋法，通過補選條例之後，先至公開表態。
傳真︰2623-9278
電郵︰[email protected]