個市冇受美股下跌拖累，升過108點，埋單升得56點。滙控（005）、中移動（941）與和黃（013）3大重磅股，撐住大市，總共為恒指帶來34點進帳。大市冇乜特別利好消息，已經連升5日，暫時唔易大好。
中石化C輪4651：中石化（386）上禮拜守穩3元，昨原地企喺3.125元。中石化C輪3862冇理正股唔郁，自己上升4.5%，收18.4仙。
中石化短期睇好少少，博啲C輪玩幾日，唔嫌交投比唔上3862，諗隻昨日冇升嘅4651。隻輪8月初夠鐘，輪價11.5仙，溢價4.5%，槓桿率27.2倍（有效12倍），引伸波幅23.6%。
恒指P輪3748：昨日推介嘅恒指P輪3923，跌3%，已上車嘅，相信贏面大過輸面。
同類輪3748數據都唔錯，值得撈番少少。隻輪7月尾到期，溢價1.6%，槓桿率10.8倍（有效8.5倍），引伸波幅18.7%，炒呢隻，賺蝕冇炒3923咁勁。
新世界C輪：新世界（017）跑贏其他大隻地產股，收8.15，升0.15元。想搵C輪炒，勉強得隻2248，不過成交金額得9萬幾，睇中正股走勢都好難搵銀。
章盛