杜汶澤昨日接受商台《叱咤樂壇》訪問，並從十三首派台作品中選出頭三甲位置，當談到選三甲的基準時，他說：「呢個世界係有交情，更何況呢個世界係講關係，三甲都係同我關係比較密切嘅人。」問阿澤娛樂圈是否一樣講關係時，他竟毫無忌諱地直言商台同樣是「搞關係」，他說：「商台最少係咁，我懷疑啫。」主持人問他擔任嘉賓是否亦是靠關係，他說：「冇交情點撈呀商台。」
阿澤選了劉德華的歌曲為第二名，他說：「我覺得佢好有自信，我識嘅藝人大部份都有自信，但係唔想畀人知，我唔覺得劉德華特別謙虛，但佢比較唔怕畀人知，我覺得佢唔係一般表面好謙虛，其實好自大嘅人，好真。」被問到為何選華仔做第二位時，阿澤搞笑地說：「因為佢習慣咗喺商台攞唔到第一。」