天氣悶熱，令人食慾不振，所以好多人都會選擇用生果入饌，增加食慾。除士多啤梨、菠蘿外，去到水果店或超級市場，亦會見到處處都是芒果的影蹤，所以今日就利用芒果教大家烹調兩道特色食物，無胃口食飯，可選擇試試牛仔髀或墨魚麵，刺激一下味蕾！
記者：葉錦琪
攝影：黃子偉
示範：K'sKitchen大廚朱先生
地址：香港鰂魚涌英皇道869號麗華大廈地下
芒果憑果形分公乸
芒果種類多不勝數，但未必每一種也適合用作烹調，大廚朱師傅教路，入饌最好選擇用菲律賓出產的呂宋芒，貪其肉質香甜美味。唔講唔知，原來芒果都有分公乸，以芒果入饌的話，應選身形修長的芒果公，點解？大家咪睇芒果公身形瘦長以為冇乜肉，其實芒果公的核較細，相對果肉較多；而芒果乸外形雖然肥嘟嘟，但其核較大，故果肉亦較少。
芒果知多啲
1.又叫情人果
芒果原產於印度，印度民間流傳很多在芒果樹下結成良緣的愛情故事，所以芒果又叫情人果。
2.果實連樹都有用
芒果可作食用外，其果核曬乾後可做中藥，有清熱之效。芒果樹的嫩葉，與米共煮成飯非常清香；其樹幹更可用作製成家具。
香芒釀布袋牛仔髀
酸酸甜甜的芒果肉配肉質鮮味的牛肉屬一流配搭，今次將芒果肉釀入牛仔髀內，將表層煎成香脆可口，再放入焗爐焗一焗，待果肉味滲入牛仔髀肉內，再配上鮮芒果汁進食，酸甜味美。
材料：
香芒 1個
牛仔髀 半磅
甘笋絲 10克
洋葱絲 10克
西芹絲 10克
醃料：
紅酒 1 1/2湯匙
鹽 少許
雞粉 少許
生粉 少許
小貼士
1.靚的呂宋芒以外表皮光，果尾發出香味為上品。
2.選用芒果烹調，以果身較硬為佳，不會太容易煮腍。
3.不喜歡牛仔髀的人士，可以厚身的牛柳或雞胸肉代替。
4.牛仔髀醃一夜，紅酒更能入味。
芒果汁海鮮配墨魚麵
芒果汁的酸甜，引出海鮮的鮮味，配搭入口煙煙韌韌兼脂肪含量等於零的墨魚麵，絕對是怕肥女士的首選。
材料：
香芒 1個
墨魚麵 1包
中蝦 2隻
魷魚 50克
青口 50克
魚肉 50克
帶子 50克
小貼士
1.中蝦不要煮太久，待水滾後才加入煮至蝦身轉紅即可。
2.新鮮的海鮮，煮起來鮮味較濃。
3.橄欖油代替食油不但健康，更能帶出香味。