八方周五獲職訓局屬下旅遊服務業培訓中心嘅邀請，出席佢哋同成都大學華夏職業教育師資培訓中心舉行嘅晚宴活動，剛好撞正中華廚藝學院請咗陳忠明（圖中）大師示範烹調淮揚菜，認真有食神。至於陳師傅嘅熏魚、豆腐羹、獅子頭同松鼠桂魚，都好到冇得頂。
席間，八方見到中聯辦副主任王鳳超（圖左），先知佢係華夏基金會副主席，老王話，佢都係第一次嚟位於薄扶林嘅中華廚藝學院，至於位於海邊嘅數碼港同貝沙灣，佢都未去過。八方笑小小超的確唔識做，都唔請大大超去睇吓數碼港，遲吓佢退休返北京就好難請得到。
中聯辦話有高層人士變動都講咗好一排，始終未有聲氣，八方都唔敢再問王鳳超，只係佢自己講：「該退就退。」
傳真︰2623-9278
電郵︰[email protected]