香港總商會明日舉行周年大會，選出新一屆嘅理事會，正副主席亦將產生。現任常務副主席嘅滙豐銀行大班艾爾敦預先張揚話自己有意問鼎主席位。喂，佢老哥出到口，邊個可以同佢爭？佢五月尾就退休，大把時間投入會務。
八方忽然記得，田少舊年勸總商會副主席蔣麗莉唔好參選立法會功能組別選舉，等佢指定接班人林健鋒可以順利選出時，就有傳聞話，田少會幫蔣小姐上主席位，𠵱家大家好似冇咗件事，蔣小姐只好將目標下調一吓，退而選個常務副主席做吓。
不過同樣係總商會副主席嘅胡定旭，忽然蠢蠢欲動，亦話要同蔣小姐爭；肥胡最近承認將唔再連任安永主席，又係人閒心不閒。哈，咁就真係好睇咯。
傳真︰2623-9278
電郵︰[email protected]