嘉華建材（027）批股後表現欠佳，跌穿批股價，連帶好多濠賭股的表現都受到影響，就算有好消息都被掩蓋，信德（242）就係其中一個例子。
經紀黃話，信德剛剛出完業績，靚仔過預期，多間證券行出報告唱好，但無奈受嘉建批股事件影響，投資者對濠賭股有戒心，令信德上周五股價只係升4.69%，收7.80元，成交股數1334.7萬股，金額1.03億元。
信德上周公布全年業績，盈利上升53.8%，有成5億元咁多，以及末期股息派6.5仙。
信德盤數靚過預期，原來好多分析員未諗過信德的船務收益，可以大幅增長4倍咁多，而旗下澳門娛樂的派息亦比去年為高，至於地產收益方面，澳門濠景花園將於明年開始入帳，而南灣地產項目預期於2007年入帳，加上現時公司手頭大把現金，所以信德受青睞一啲都唔奇，就算睇得最淡的證券行，都將信德的目標價定為9元。
慕容小初