大市有波幅，即市一百幾十點上落，藍籌1-2%變化，相關C輪捉得正，有魚有肉，捉唔正，即市已經輸落唔少。以上周五長實C輪3560為例，開市嗰陣上車（最低價13.2仙），唔使1個鐘頭，大賺26%（最高價16.6仙），但以此價上車，又已坐艇13%（收14.4仙）。隔晚有貨，則仍升13%。
恒指P輪3923：恒指上周一最低13337，收13693，低位回升356點。短炒，買些少恒指P輪，對象係3923。隻輪8月尾到期，輪價14.9仙，溢價4.7%，槓桿率24.8倍（有效11.9倍），引伸波幅17.3%。恒指如果大跌，則咪追，反手買C輪，向3963埋手。
中移動P輪3655：中移動（941）上周低位25元，收26.10元，估計短期再升有限，先回落機會大啲。要做嘢，揀P輪3655，7月初夠鐘，輪價15.2仙，溢價4.3%，槓桿率17.2倍（有效9.9倍），引伸波幅24.3%。
新地P輪3643：新地（016）喺71元上下反覆已有3個幾月，現價72.75元，唔易再大升，炒嘢，買P輪3643，6月夠鐘，輪價16.1仙，溢價3.2%，槓桿率45.2倍（有效18.5倍），引伸波幅19.7%。
章盛