夏天就嚟到，又係食荔枝嘅時候，咁啱肥仔明嘅回鄉證失而復得，絕對夠時間畀佢再組團北上食荔枝。不過肥仔明同八方講，暫時都冇計劃返大陸，相信短期都唔會再搞荔枝團。唔知係咪驚搞荔枝團太揚，又會俾人再收回鄉證呢？
有高人指點八方，肥仔明同石哥今次攞到回鄉證，好大原因係煲呔背後發功，暗中幫民主派疏通疏通，如果煲呔咁做就真係高招啦！一嚟可以紓緩下釋法嘅緊張氣氛，拆緊個民怨炸彈，二嚟又可以賣過人情畀民主派，真係一舉兩得攞埋分，唔怪得佢民望繼續上升。不過肥仔明同八方講，佢就冇聽聞煲呔有插手，佢冇法證實高人講法是否屬實。
傳真︰2623-9278
電郵︰[email protected]