見證精英大師連勝17場
蔡志明闔家出動培育馬王

馬王「精英大師」昨日成功連贏十七場，成為不少馬主的夢想。擁有兩隻馬的「玩具大王」蔡志明揚言希望能養到頂尖馬王，他謂現時已動員家人買馬，準備籌組半打「太陽」系列愛駒助威。

本地馬王「精英大師」昨日在「女皇銀禧盃」成功奪冠，連勝十七場，吸引不少名人、名媛入馬場見證歷史一刻，包括「玩具大王」蔡志明與家人、許晉亨、郭秀雲、陳見飛、鄭詩韻、陳鴻業和Rosemary等。

「希望囡囡抽到馬」
蔡志明夫婦與長女蔡加敏入場，更投注買「精英大師」，蔡志明說：「買win太熱喇，我買膽拖同過關。每個做馬主嘅都想有『精英大師』咁叻嘅馬啦，我係馬會會員，近年養咗『金太陽』同埋『銀太陽』兩匹。𠵱家希望囡囡加敏抽到隻馬養，姪仔Gary今年都會入紙申請，咁就成家人養到五、六隻『太陽』系列，熱鬧啲！」蔡志明又謂平日下注一萬至一萬五千元，最愛捧熱門及刨貼士，最佳戰績以五萬本錢贏了一百萬。

鄭詩韻陳鴻業拍拖
榮文蔚表妹鄭詩韻則與母親入場，十五分鐘後施念慈前夫陳鴻業亦到達，鄭詩韻透露已接受對方做男友，她說：「正式拍咗兩日拖，咁女仔要有啲矜持，要考慮清楚。」有指去年Aidsconcern晚宴，當時未正式離婚的陳鴻業已為鄭詩韻縛鞋帶，她直認不諱說：「所以我覺得佢幾gentleman，男仔對女仔，有誠意好緊要。」問她不怕對方花心、愛追外籍女性？鄭詩韻即說：「咁你哋幫我睇實佢！」
此外，愛彼表特別請來本地設計師張路路、鄧達智和林樹彬等，設計一系列以女皇及賽馬為主題的華麗風格新裝，在場內行騷助興。
採訪：RitaLeung　攝影：HoKwokHo