商台舉辦的「饑饉三十」昨日開鑼，饑饉之星薛凱琪及梁漢文夥方力申、關心妍、周麗淇、黎明力捧的衞蘭等和二千名參加者一同響應活動。由於上月梁漢文及薛凱琪應邀到訪斯里蘭卡災區，故大會昨日亦安排眾星試玩體驗災區的模擬遊戲。
眾星玩遊戲時非常投入，完全不顧儀態。衞蘭彎身時不慎春光乍洩，周麗淇跨越障礙物時一仆一碌，令髮髺跌到前額兼甩鞋帶，非常搞笑，而穿短裙的薛凱琪在台上穿自製紙皮拖鞋時，為防走光，也極度小心。關心妍玩完遊戲說：「我今次好醒呀，T恤入面打晒底，重着咗防水波鞋㖭！」
此外，英皇集團三間公司昨日被人淋紅油，地上更撒滿追債單張，出席饑饉的英皇群星各自表態，Kenny笑說：「啲人唔好嚟我公司門口塗鴉啦。」吳浩康說：「我係小職員，但公司有乜要幫都會幫。」
採訪：胡比
攝影：何國豪
