最近被委任為「閱讀之星」的楊千嬅，昨日到嶺南大學帶領一千二百位學生締造「最多人同時、同地大聲朗讀」的健力士世界紀錄，領讀杏林子的著作《開啟心靈的眼睛》。
其間千嬅看到三位學生的天才表演環節時，更開心到不斷拍掌大笑。千嬅表示小時候也有參加朗誦比賽，她說：「以前要練高低音，同埋一啲典型嘅動作，嗰時我都唔識笑。但𠵱家啲學生叻好多，同埋頭先見佢哋天才表演，好勁。」
另外，Twins早前接受訪問時，暗寸千嬅歌曲《烈女》和《長信不如短訊》，謂沒有聽過。千嬅對此淡然說：「大家喺娛樂圈都有經驗，乜都見過啦！我唔相信佢哋咁講。我就覺得冇乜所謂，可能佢哋喺第二度宣傳，少留意香港資訊，有機會嘅，我咪送隻CD畀佢哋聽吓。我唔覺得見面會尷尬，亦唔會嬲或者要有乜反應。」
而在活動上，千嬅向學生推介了一本名為《我想要愛》一書，但她否認有特別含義。
採訪、攝影：王連連