港姐昨日第一次面試，眾佳麗燕瘦環肥，不少以性感裝扮博評判好感。無綫高層何麗全透露在二千名報名者中將選四十名佳麗入圍，經五個特輯淘汰後餘下十五至十六名，再和四至五位海外佳麗於八月二十日競逐港姐后冠。
港姐昨日進行第一次面試，但佳麗的質素認真麻麻，靚女少之又少，大多數身形偏肥，不知情的還以為是參加纖體公司的招聘活動，而不少佳麗一見到記者的攝影機又遮又擋，甚少肯大方停下拍照和透露姓名。
昨日頗多佳麗以性感出位，其中一位身穿粉橙色低胸連身裙的佳麗，面試完畢後即換上T恤和黑色裙，以密實文員打扮離開，而另一位穿吊帶碎花上衣及白裙的佳麗由於真空上陣，亦成為記者的焦點。至於○一年曾經參選亞視女優並獲得銅獎的吳鎧彤，今年亦參選港姐湊熱鬧。
○二年才藝小姐蔡潔雯昨亦有到場，原來她有一位朋友Isabella來面試，Isabella是澳洲大學生，今年二十一歲，蔡潔雯說：「佢都係報咗名先講畀我聽，佢有問我意見，我叫佢大方啲就得。」
何麗全透露今年共有約二千人報名，獲面試機會的有四至五百人，昨日的評判包括無綫高層樂易玲、何麗全、監製何小慧等，何麗全說：「今日有好多係外國返嚟嘅，包括歐洲、意大利、荷蘭、瑞士、日本、美加等，最年輕嗰位十七歲，佢哋會有一分鐘自我介紹同自選泳衣見評判，複試請咗鄭裕玲、曾志偉同李嘉慧做評判，鄭裕玲負責揀啲運動型嘅，志偉揀口才好嘅，李嘉慧就揀靚嘅，決賽定咗八月二十號舉行，初賽嘅形式同時間都未定。」
何麗全表示第一輪入圍會有四十名佳麗，然後經五集的特輯共選十五至十六名佳麗，連同四、五位海外佳麗共二十位入初賽，並會到泰國、馬爾代夫和斯里蘭卡拍攝外景，配合南亞賑災活動，何麗全說：「好多女仔話今年參選，係希望可以探訪南亞地區。」
採訪：卓寶花 攝影：陳慧安
