一向深得無綫歡心的李克勤，近日又獲安排主唱韓劇《醫道》主題曲，克勤前晚表示近日常吃韓國烤肉，吃到一身韓國味，無綫高層聞到，故找他唱主題曲。克勤又謂會為主題曲填詞，果然盡心盡力！
陳慧琳憑主唱韓國劇集《大長今》的主題曲《希望》，唱至街知巷聞，故繼《大長今》後播映的韓劇《醫道》主題曲，自然成為一眾歌手的覬覦對象，結果被指是無綫契仔的李克勤，擊敗其他歌手主唱《醫道》的主題曲。
前晚克勤、林保怡、林峯、吳卓羲、鄭嘉穎和鄧健泓齊齊演出無綫節目《愛音樂．自然男人魅》，問克勤爭贏唱主題曲一事，他說：「我自己又會錄音又會親自填詞，聽講呢套劇係男版嘅《大長今》，男主角係韓國華陀嚟㗎嘛！」有人指克勤已成為無綫一哥，但克勤連聲否認說：「唔好咁講，可能呢排我食得韓國嘢多，成日食韓國烤肉，食到有陣除，啲高層行過聞到，所以咪搵我囉。」
而保怡則表示近日家中漏水，但一直沒空找人修理，豈料反而對自己有利，保怡說：「屋企漏水，我啲工作就接踵而嚟，好似豬籠入水咁。」
此外，近日無綫全力催谷吳卓羲和林保怡，問鄭嘉穎可覺有欠公平？鄭嘉穎說：「公司有公司安排，我下個月先有劇出，到時宣傳都唔遲。我入行咁耐都係做好本份，從來唔強求。」
採訪：王崇穎 攝影：何國豪
