雷兆光夫婦、LisaS.和馬詩慧等前晚在中環出席手袋派對。馬詩慧回應丈夫王敏德最近的「索女揼骨」事件時，直言靚仔老公不時惹女性黐埋身，但她第六感很強，曾向老公大迫供，令他口窒窒。
由九巴太子女、雷兆光胞妹Felicia代理的手袋品牌FrancescoBiasia，昨日在中環Volar舉行開幕派對，同場由戴上七彩假髮、扮成洋娃娃的模特兒示範新袋，玩味十足。
王敏德（Michael）早前被拍到一星期多次往揼骨，惹偷食疑雲，前晚其妻馬詩慧甫到場即被包圍訪問，她重申對老公投信任票說：「佢都冇做過，點會要扭耳仔？佢成日打波受傷，喺呢間舖搵到個『阿蟬』（阿嬸）幫佢按摩按得好。」
報道形容按摩員為「索女」，馬詩慧即自嘲說：「咁我都係『阿蟬』，大家對靚女、索女嘅眼光唔同。」她又拒絕與王敏德同行避嫌，亦無意管束，她說：「啲索嘅阿嬸要黐埋去，真係冇得避，咁Michael靚仔又鬼佬性格，但係兩個人好傾唔代表有路！咁多年實有女人黐埋佢度，我都知，因為女人第六感好強，我feel到時會問佢，佢亦試過口窒窒咁答，我知有，不過冇越軌行為。」
而雷兆光與太太林靜怡（Jane）亦齊齊捧場，Jane竟謂家中只有幾個手袋，她說：「我嘅袋係貨如輪轉，用過嘅新款會去二手店trade，舊款就送畀朋友，淨係留Hermes嗰類經典貴款。」Jane又謂照顧一對仔女連衫都少買，成為慳家媽咪，她說：「試過一次着幾千蚊嘅Marni衫，俾個女嘔奶嘔到成件衫污糟晒，真係好嬲又好笑，所以平日都着便服，最大支出反而係過時過節買表、買電腦畀老公。」
採訪：JessicaNgan
攝影：ChenWaiOn
