檢討中一派位機制及中學教學語言工作小組主席田北辰，為進行諮詢頻頻同各界人士會面，今日番禺會所華仁小學家教會就擺下擂台，等田二少同家長過招。
有家長同八方講，唔少家長已做足功課上陣，希望可以駁倒力主母語教學嘅田二少，佢重話預期有好戲上演，事關好多家長已經俾政府嘅教育政策谷到一肚氣，田二少隨時成為眾矢之的。
但有關方面話，今次會面係田二少提出，並講明希望多聽意見，若然想睇家長大戰田二少嘅好戲，可能會失望而回咁話。田二少為人直率，八方相信雙方會有唔少精警對話，可惜今日會面閉門進行，八方無緣目睹呢場擂台大戰。
傳真︰2623-9278
電郵︰[email protected]