皇仁書院係香港數一數二嘅名校，但受網上裸照同便利店「殘酷一叮」連串負面新聞影響，都搞到好多皇仁仔近日好唔開心，重要社工心理輔導。咁啱噚日皇仁開放日，八方專程去睇吓啲學生，順便問吓校長嗰幾單負面新聞有乜新發展。
八方未踏入皇仁校園，已經聽到有人大叫「歡迎、歡迎」口號，個個學生望落都鬼打咁精神，而且笑到四萬咁口，一啲都唔似受負面新聞困擾。
皇仁校長李樂然話，希望以後唔會再有類似嘅事件發生；佢亦好希望學生有乜事都好，一定要同學校有商有量，唔好單方面作出投訴，如果唔係就搞到好難溝通。八方心諗，如果中央可以好似李校長對學生咁對民主派，多啲溝通，咁就唔使搞到再次釋法啦。
傳真︰2623-9278
電郵︰[email protected]