周汶錡（Kathy)、黃家諾及吳嘉龍前晚出席芝華士派對，試飲新款cocktail，吳嘉龍更扮酒保即興拋酒樽、玩花式，不過最後失手跌落地。
周汶錡自言酒量淺，飲一杯香檳就醉，但就見識過不少醉酒鬧事的事件，Kathy說：「若果男友嗜飲酒都幾抗拒，我喺日本見過啲日本佬飲醉周街瞓，又見過喺公路邊隨地屙尿，好彩背住我啫；重有一次喺羅馬，我夜晚出去買水，喺條小巷撞到醉酒佬猛昅住我，幾驚佢發癲箍實我，最後我都扮淡定，勇敢咁正面走過去，好彩冇事！」
黃家諾則自爆每晚都灌女人飲酒，他說：「我灌媽咪，因為佢膽固醇過高，又試過壓力大有皮膚病，我要佢一晚飲一杯紅酒減壓。」他又謂經常飲酒壯膽，他說：「我幾怕羞，所以細個好孤獨，大咗飲酒可以放啲，講嘢健談啲、開心啲。」
採訪：RitaLeung
攝影：EdwardChou
