樂壇新人紀利（Kara）雖然是中美混血兒，但因在香港住了十年，故講得一口流利廣東話，而她在阿姨的財政支持下，計劃於本月推出個人唱片，大碟除收錄廣東歌及英文歌外，還有國語歌曲。
Kara對在港樂壇發展充滿信心，她說：「雖然我個樣鬼鬼哋，人哋會覺得我唱廣東歌怪怪哋，我覺得呢樣嘢反而係我其中一個賣點，令觀眾對我嘅印象更加深刻，同埋我認為我嘅音樂如果係好，一定可以感動到所有人。」
對於大力支持她圓夢的阿姨，Kara說：「我阿姨真係幫咗我好多，佢自己投資開咗間productionhouse，之後就幫我交畀唱片公司發行，佢可以話係我第二個阿媽，另外我都要好多謝屋企人支持我。」Kara表示若兩年後發展成績仍不如理想，或會轉往幕後發展，她說：「我出碟真係唔係為咗攞獎，如果成績唔係太好，我會繼續完成大學課程，同埋轉做幕後工作。」
採訪：李珮洳
攝影：陳偉權
髮型：Hair（Yoshi）