每個人小學時都寫過一篇《我的志願》，原來陳鍵鋒小時候的志願是當一個園藝設計師，現在他則希望退休後在充滿花花草草的澳洲或荷蘭定居。
陳鍵鋒早前到西貢園藝農場為TVB8拍攝專題「我的志願」，他甫抵達園藝農場，見到該處種植的蔬菜生果時，表現得非常興奮。陳鍵鋒第一時間找來一個大犁耙，隨即擺好姿勢，準備耕種，不過園藝農場工作人員卻告訴他，今次只是需要一個小鏟和剪刀收割生菜。
陳鍵鋒說：「呢個節目係講藝人細個諗住大個會做乜，而我細個就想做一個園藝設計師。我都唔知點解對園藝種植情有獨鍾，對呢一方面好有興趣，見到花花草草就好開心，覺得佢哋好靚。」他續說：「我細個公公住喺錦繡花園，裏面有個花園，公公成日叫我幫佢種花淋水，我記得種盆栽係好有學問，唔係乜嘢花都可以擺埋一齊。」
陳鍵鋒小時候的理想，不知將來有沒有機會實現，他說：「如果有一日我唔做娛樂圈，我都有打算去做一個園藝設計師，最主要係自己都鍾意對住啲植物。」假如陳鍵鋒退休離開娛樂圈，他希望可以到一個四周都是草原的地方安享晚年，陳鍵鋒說：「平時去拍旅遊特輯，去過好多唔同地方，我覺得澳洲同荷蘭係退休好地方。」
採訪、攝影：楊潔雯