電訊盈科舊年將地產物業注入「東方燃氣」，並易名為「盈科大衍」，樓神李智康自然順理成章過檔去盈大繼續sell樓。佢哋發展嗰個貝沙灣項目賣個滿堂紅，對電盈近兩年既盈利好有幫助。
樓神賣樓叻，但要畀番幾多人工過佢先至會繼續同電盈大老闆李澤楷賣樓？盈大剛剛出籠嘅○四年報就提供咗一個好好答案，過去一年公司有三位董事年薪介乎一千八百五十萬至一千九百萬之間。盈大𠵱家只有三位執行董事，負責公司日常業務，分別為李智康、艾維朗，同翟迪強，相信年報透露嘅打工皇帝非三位老兄莫屬。
傳真︰2623-9278
電郵︰[email protected]