蘋果日報慈善基金新一季的資助社會服務計劃，現正接受申請，社會服務機構可將申請表連同計劃書寄交申請，截止日期為五月二十五日。
蘋果基金早前撥款資助耆康會推行「從齒關心你——獨居長者牙科護理社區計劃」，為荃葵青區獨居貧困長者安排洗牙、補牙、脫牙及鑲配假牙等牙齒護理服務，預計有三百人受惠。
九十四歲的王婆婆，近月飽受牙肉脹痛困擾，她日前獲安排接受口腔檢查及牙齒治療。負責替王婆婆檢查牙齒的翁醫生指出：「婆婆牙肉痛係因為佢下顎副假牙鬆咗，我建議佢重新鑲過一副；另外，婆婆有三隻蛀牙，其中兩隻可以補，但有一隻就要剝。」
王婆婆的老伴早逝，膝下有兩名兒子，其中長子已退休，她靠幼子供養，現獨居於公屋。「阿仔本身負擔好重，我惟有盡量慳住使，所以已經好多年冇睇過牙醫。」
另一位受惠長者何婆婆，亦剛在翁醫生協助下，補了兩隻蛀牙及拔掉一隻爛牙。「呢個計劃真係幫到我，事關政府牙醫只肯剝牙，唔包補牙，如果要我睇私家醫生，我又畀唔起錢。」七十六歲靠綜援金生活的何婆婆感激地說。
本港公立醫院不設牙科，市民如有需要，可到衞生署轄下十一間牙科診所求醫，但各診所只提供有限度急症服務，主要是止痛及脫牙，其他治療如洗牙、補牙、鑲配假牙等並不包括在內，更無提供牙齒檢查。
耆康會荃葵青區長者綜合服務──長者支援服務部社工潘先生稱︰「牙醫建議每年做一次牙齒檢查，但政府冇呢項服務，老人家又畀唔起錢睇私家醫生，所以好多長者都冇去做檢查嘅習慣，往往將問題拖到最嚴重先去處理。」
有見及此，該會於去年十一月展開長者牙科護理社區計劃，由註冊牙醫以外診的方式，免費為荃灣及葵青區獨居或經濟有困難長者，進行基本口腔檢查及洗牙服務，並為個別有需要長者提供脫牙、補牙及鑲配假牙等治療。
該計劃獲蘋果基金撥款十三萬五千八百元資助推行，為期一年，預計有三百名長者受惠。
《蘋果日報》慈善基金○五年度第二季資助社會服務計劃，現正接受申請，社會服務機構可將申請表連同計劃書寄交︰將軍澳工業邨西駿盈街8號《蘋果日報》慈善基金收。
截止日期：五月二十五日
查詢：29908688
傳真：23702192
網址︰www.charity.atnext.com
