近日吳美珩和苗僑偉因拍攝無綫劇《人間蒸發》而傳緋聞，早前吳美珩拍攝護膚品廣告時，特別向公關索取男裝產品給阿苗，並坦言與他感情好，大家互相照顧。
吳美珩近日再度成為護膚品ultimaII的代言人，日前她到錦田的片廠拍攝廣告，原來她已是第六年擔任該產品代言人，今次她在廣告中要憑空想像推倒巨型護膚品樽，但只得一條魚絲給她就位。
吳美珩很快便達到導演的要求，順利完成拍攝工作，她說：「有時拍戲都要自己同自己做戲，都慣咗啦，只要投入啲就OK。好似《人間蒸發》入面我係演雙胞胎，所以好多時都係自己同自己做戲，有時先會用吓替身。有時候又會就角度，就算有對手都未必企喺我前面。我覺得咁樣都係一個挑戰，練習吓啲功力。」
吳美珩在片廠即時試用新產品，還向公關索取一些男裝系列的護膚品。問她可是送給男友？她表示是送給苗僑偉和許紹雄使用，她說：「佢哋之前猛問我好唔好用，又話有冇男士用嘅，叫我有就畀啲佢哋試。其實拍呢套劇時，我哋都好老友，大家有講有笑，感情好好，佢哋平時好照顧我，我覺得有乜好嘢都可以畀佢哋用，而且佢哋都相信我，所以先會用吓。」
吳美珩續說：「有傳媒夠話我同苗哥有嘢，其實邊係吖！我同佢第一次正式合作，只係全套劇嘅人都感情好，大家有講有笑，互相照顧啫！我唔怕俾人寫，我哋自己知乜事，我哋之前睇到報道都只係覺得得啖笑。」此外，吳美珩拍畢電視劇後，便準備放長假，返美國探望家人，並出席朋友和妹妹的婚禮。
採訪、攝影：王連連
