吳君如和森美主持的有線娛樂新聞台節目《再睇星期五》，日前邀請雷頌德（Mark）做嘉賓。
阿Mark表示十多歲時，曾在黃霑家中跟君如有一面之緣。原來當年君如經常與好友劉嘉玲和曾華倩到訪霑叔家，君如笑說：「我當時以為你得八、九歲。」阿Mark又賣口乖謂在霑叔家見過的美女中，最正是君如，逗得她哈哈大笑。
阿Mark經常跟不同歌手合作，但偏偏沒有替劉德華作過曲，他說：「每次喺頒獎禮遇見劉德華，只係以肥仔稱呼我，未有提過作曲事，可能劉德華唔鍾意肥仔幫佢作歌啦。」君如則直指阿Mark定是因此懷恨在心，故不為華仔作歌。
此外，阿Mark將推出精選碟，他說：「入面有好多朋友包括黎明、陳慧琳同陳奕迅嘅說話，既感動又搞笑。」由於歌曲版權涉及多間唱片公司，阿Mark說：「個費用都幾甘㗎！」