「玩具大王」蔡志明繼較早前入股富豪酒店，首次做上市公司副主席後，做開有鋪癮，又入股醫療集團──康健國際，再做副主席。噚日康健開記者會，講引入蔡志明這條「大水喉」之後，未來有乜發展大計，蔡志明以副主席身份出席之餘，重帶咗個索女出嚟，謀殺記者唔少菲林，原來呢位索女係佢細女蔡加怡（Crystal）。
蔡志明話大女加敏已經幫佢手六年，至於Crystal就啱啱出嚟做嘢一年，所以除咗幫手打理玩具生意，地產同醫療業務都畀Crystal睇吓，不過，未來佢主要都會做玩具。蔡志明重話，以前返工做足一整日，𠵱家有兩個女幫手，返半日工就可以鬆人。
傳真︰2623-9278
電郵︰[email protected]