郭晉安母親本周一不幸病逝，對孝順的他無疑是個打擊。不過，安仔未因慈母病逝向無綫請假，反而更積極投入新劇《阿旺新傳》拍攝工作，因安仔不想影響全劇進度之餘，更希望借工作來忘卻心中悲痛。
在近日無綫播映的劇集《同撈同煲》中帶給觀眾無限歡樂的郭晉安，正忙於趕拍另一部新劇《阿旺新傳》；然而，本周一晚（十八日）安仔開工期間突然接獲母親病逝消息，令一向侍母至孝的安仔甚為傷心。
昨日下午安仔與湯盈盈和盧宛茵在澤安邨拍攝《阿旺》外景，記者問到安仔母親病逝一事時，他初時顯得有點愕然，然後語氣平靜地說：「係！我媽媽都成八十九歲，生老病死係必然定律，我𠵱家心情都OK，好多謝同事同大家關心，𠵱家我啲兄弟姊妹搞緊我媽媽嘅身後事，定咗日期之後（指喪禮）再話我知，因為呢排我忙於開工，抽唔到時間。」不過，安仔表示不會透露亡母出殯日期，畢竟家人屬圈外人，不希望有傳媒打擾。
現場所見，安仔雖然受喪母之痛，但仍全神貫注投入演出。《阿旺》監製黃偉聲曾主動問安仔是否需要請假辦理亡母喪事，但已被安仔婉拒。
黃偉聲說：「星期一佢接到屋企電話之後，即刻離開處理家事，第二日（即十九日）《TVB周刊》嗰個『最強人氣大獎頒獎典禮』佢都冇去到。原本我叫佢放幾日假，但安仔話唔使，因為唔想影響成組人嘅進度，而且安仔話開工重好，等佢唔使諗咁多，所以第二晚佢照樣開工，好有演員專業精神。」
採訪、攝影：戴彩煥、李珮洳