香港大學噚晚請咗立法會議員長毛去港大圖書館，用英文講《共產黨宣言》，啲同學同教授都好捧場，有成百幾二百人參加，總之座無虛席，長毛啲英文都見得人㗎。
另外，浸會大學終於獲國家教育部批准，同北京師範大學合作喺珠海開辦聯合國際學校，成為首間香港大專院校衝出香港辦學嘅先鋒，新學院位於珠海市唐家灣，佔地逾十三萬平方米，開學第一年會開設五個本科課程，學費則未有透露。佢哋已向中大挖角搵到歷史系教授郭少棠做常務副校長，新校將於今年九月開學，畢業生可獲浸大頒發學位，即係喺內地讀書可以獲香港學位，聽落幾吸引！
傳真︰2623-9278
電郵︰[email protected]