莫文蔚昨日在紅磡為六月舉行的演唱會舉行記者會，透露屆時將佩戴三千萬鑽飾和穿類似泳衣的性感服裝開騷。昨日莫文蔚獲十多個贊助商送大禮祝賀，包括一隻價值一百五十萬的五卡鑽戒。
莫文蔚將於六月舉行兩場演唱會，昨日她在紅磡都會海逸酒店的泳池畔舉行記者會，穿上銀色大露背短裙的伊人亮麗誘人。
一向深受名牌歡迎的莫文蔚，演唱會獲十多個贊助商贊助，她昨日即場大收禮物，包括SalvatoreFerragamo贊助絲巾、鞋履、席夢思枕頭、Bauhaus免費一世任着牛仔褲等。
珠寶店周大福除贊助十套共值三千萬的珠寶供莫文蔚佩戴外，更即場送她一枚價值一百五十萬、重達五卡的鑽石戒指，莫文蔚收禮收到笑不停，她笑說：「我要操fit啲，到時先夠力孭起百幾卡鑽石！佢哋好好，重贊助埋保安員，不過我喺後台換衫，要求女保安方便啲。」
大會在昨日的記者會加插韻律泳表演，莫文蔚更一時興起，脫鞋落水與舞蹈員合照，她說：「我本來想喺紅館加泳池，不過紅館唔批，惟有將啲韻律泳舞步、動作加入舞蹈中。」問她可會穿泳衣，莫文蔚說：「唔會，不過類似嘅性感衫啦，性感都係我個人嘅一部份，我會演繹，但唔賣弄。今次開一、兩場，咁樣珍貴啲，太長重複會冇乜火花。」
問莫文蔚男友可會捧場，她即扮儍說：「吓，邊個？」馮德倫可有給予意見？莫文蔚說：「佢轉型拍戲做導演，都冇乜關係，不過我會請佢嚟睇，拍攝呢啲粗重嘢就唔使佢嚟。」
採訪：RachelWong 攝影：HoKwokHo
