百事家族為歡迎古天樂加盟，昨日在馬鞍山一沙灘舉行別開生面的記者會，大會搭建了一個古堡，以白黑藍三色展現古仔三個不同階段的發展，一身藍色春裝打扮的古仔先乘坐快艇到場，其後更要在沙灘上尋寶，找出通往藍色古堡大門的鎖匙。
古仔前日在廣州出席活動時發燒，昨日他已好轉不少，他說：「我漏夜返嚟打咗支抗生素針，但搞到隻右腳行唔到，不過𠵱家就冇事。」問古仔是否取代郭富城的地位，他否認說：「郭富城同百事已經昇華到唔係用合約嚟限制，佢開演唱會百事會無限量支持，而我只係佢產品嘅代言人。」他還聲稱稍後會有其他單位的代言人陸續加盟。 採訪：馮美茵
攝影：仇志德