本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如有任何疑問，可致電勞工處熱線27171771查詢，此熱線會由政府熱線「1823」職員接聽。
建仔：五月一日勞動節係法定假期，我約咗阿樂同文仔開枱，預埋你啦！
阿葛：可惜我老闆話有單嘢趕住埋尾，叫我嗰日返去開工！
建仔：你咪鬼睬佢啫！
阿葛：咁又唔好！都係工作需要啫，咪將就吓囉！
建仔：……咁佢幾時補番假畀你呀？
阿葛：唔知喎……補唔補都得啦！
建仔：唔得！《僱傭條例》規定，如果僱主要求僱員喺法定假日開工，就一定要安排另定假日畀個僱員，另定假日重要喺法定假日之前或者之後嘅六十日內放。
阿葛：我同老闆講吓啦。
建仔：重有呀！如果另定假日係喺法定假日前六十日內，僱主要喺另定假日最少四十八小時之前通知僱員；如果另定假日係喺法定假日後嘅六十日內，僱主就要喺法定假日最少四十八小時前通知僱員。
阿葛：咦！原來今年五月一日係星期日喎！你原本已經係星期日休息，咁你咪蝕咗？
建仔：係喎……啊！不過唔會。《僱傭條例》規定，如果法定假日適逢休息日，僱主就要喺緊接着嗰日之後嘅非假日或休息日，放番日假畀僱員。
阿葛：哦！咁我咪可以喺五月二日休假開枱！
建仔：又係喎。
以上資料只用作說明《僱傭條例》下的相關條文，對有關法例的詮釋，應以《僱傭條例》原文為依據。如有任何爭議，則以法院判決為最後依歸。
資料提供：勞工處勞資協商促進科
服務熱線
電話：29908288
傳真：23702192
電郵：[email protected]