OLYMPUSμ-miniDIGITALS數碼相機以奇形怪狀見稱，有人話似水點，亦有話似鯊魚頭，不過無論似咩，一樣夠晒搶鏡，而且今次重新返咗隻5種全新顏色，包括瑩銀、皓黑、閃杏、粉紅及珊瑚藍，加埋另外4種限量版顏色草莓紅、檸檬黃、蘋果綠及天藍，合共9種顏色可供選擇，相機都可以多姿多采！講番規格，達到500萬像素級別，鏡頭備有2倍光學，加埋可達到8倍數碼，都算好夠用。配合1.5秒快速啟動，以及CCD對比偵測自動對焦，操作起來特別爽快。LCD雖只有1.8吋，不過對比度達到300：1，即使烈日下都可以睇得清楚。還可以HQ模式（320×240像素）或SQ模式（160×120像素）拍無間斷有聲短片，若使用1GBxD卡，即可以SQ模式無間斷地拍攝有聲短片，約（112分鐘），當DV咁玩都得。
記者：許福合
OLYMPUSHK（23762150）