醒目小常識：揀啱木配出不同效果

唔係搬屋唔搞裝修，又想將屋企布置得富有東南亞色彩，當然唔係齋靠一大堆擺設就得喇！經常用來製作中式家具的木材可能係好幫手。
不同木質又各具特色，為潘太設計家居的阿Can都話，最主要都係考慮番個設計意念同實際需要，粗糙的木材最能營造大自然Feel，亦會較多採用胡桃木、橡木、水谷柳同黑鐵木等素材，不過木材唔會Mix一齊使用，最怕係配搭不宜，令效果變得不倫不類。有時寧願加入其他物料或Pattern作搭配，更有助營造不同質感及效果。

胡桃木：
色調深濃，紋理清晰但較淺，木紋變化亦較多，表面會有「木眼」，光身平滑，打理方便。最具田園味道，尤其適用於家具及樂器。

水谷柳木：
木紋較多也較深，帶濃厚中國色彩，粗糙感強烈，原木顏色很淺不好看，通常會經過塑色後更顯出粗糙紋理，效果強烈。

橡木：
橡木木紋較深較大而筆直，木紋的粗紋度次於水谷柳，木質較為堅硬，耐用度高，襯出來效果較摩登年輕。

黑鐵木：
原本木色已很深，木紋垂直而幼細，而紋理之間亦會顯出不同深淺度的顏色，用於中式家具也很合適，可做出高格調效果。