滙豐大班艾爾敦五月尾榮休，大家都好有興趣知道佢嘅未來動向，近日有傳聞話佢會去做下任香港總商會主席，代替即將卸任嘅黎定基。
八方向總商會總裁翁以登求證，但佢話唔評論。總商會嘅人話，商會下周二舉行周年大會，屆時將選出新一屆理事會，然後再由理事會互選新一任主席，因為黎定基已連任兩屆期滿，必須退下。
艾爾敦現時為總商會嘅常任副主席，其他三位副主席分別為胡定旭、蔣麗莉同楊國琦。若艾爾敦當主席，當然勝任有餘，繼續可以為香港的政經事宜發表權威評論。
傳真︰2623-9278
電郵︰[email protected]