唔少民主派立法會議員噚日都參加大狀黨搞嘅沉默大遊行，鄭大班就全程一直跟住馬丁，臨尾重攝埋去大狀黨度，真係識得搶鏡。大班話，佢同法律界都好有關係，因為佢年中惹唔少官司，要幫襯大狀！
民主黨都有好多律師同大狀，包括馬丁、何俊仁、鄭家富同涂謹申。馬丁好幽默咁同八方講，佢諗到兩種人會搞沉默大遊行，大狀之外，就係法輪功。
講開大班，今朝早嘅議員個人利益監察委員會度，民主黨單仲偕（單雞）突然話，要規管議員嘅道德好難，例如話大班好鍾意講粗口。單雞講都未講完，大班即刻反擊話，你先至鍾意講粗口，結果單雞先兜番話，咁當我哋都好鍾意講粗口。
傳真︰2623-9278
電郵︰[email protected]