心情唔好　Spa減壓
張可頤享受被摸：似有人錫

張可頤和TerriHolladay昨日以低胸裝主持Spa開幕，張可頤謂愛做spa減壓，享受被摸，感覺猶如「俾人錫」。問到緋聞，她強調與舊愛董波只是朋友，被拍到二人街頭狂吻都只是社交禮儀。

法國護膚品牌Decleor美容水療中心昨日開幕，張可頤、TerriHolladay及明美連均有出席，張可頤和TerriHolladay以性感低胸裝上陣，搶鏡程度各不相讓。張可頤自言極愛做spa，她說：「心情唔好時，做spa有人摸吓，好似有人錫咁，會開心番啲，不過一個星期俾人錫兩次都夠囉！」

「三年後有真姻緣」
早前張可頤被拍到與舊愛董波約會，二人更在街頭狂吻，她否認拍拖說：「佢係好朋友，識咗超過十年，其實係我有一隻十六歲嘅狗，係同佢拍拖時買，𠵱家隻狗老到好似想死，我話畀佢聽，順便見吓面。」問到熱吻，張可頤說：「我行得正企得正，呢啲係goodbyekiss、社交禮儀啫！」她續說：「有風水師話我三年後會有真姻緣，可能係我去北京睇○八奧運，識到啲運動員呢！」記者謂葉璇亦與運動員特別有緣，張可頤即鬼馬地說：「咁如果佢要唔晒，咪畀啲我囉！」

Terri赴美影性感照
此外，TerriHolladay透露婚期再延至夏末，又決定六月飛往美國拍攝性感照，她說：「我想趁青春留倩影，要影一輯名為Boudoir嘅靚相，以白色法國閨房為主題，着性感內衣、比堅尼影，好有藝術美，唔少荷里活女星好似麥當娜（Madonna）、歌地亞雪花（ClaudiaSchiffer）都影過呢種feel。」問TerriHolladay可會公諸同好？她發嬌嗔說：「No！只係畀我老公或兒子Roman睇，主要係我近期瘦咗八磅，覺得三十幾歲keep得幾好線條，值得影完留念。」
採訪：JessicaNgan、KellyCheck
攝影：ChanChiLam