唔少國內同胞話抵制日貨，咁嚟香港玩嘅自由行旅客又鍾意啲乜嘢香港名牌？國內多個傳媒機構同香港中國旅遊協會、香港電腦商會等搞咗個第一屆「自由行旅客最喜愛的香港名牌」選舉，由今年二、三月期間嚟香港嘅八萬幾個自由行旅客投票，結果有十七個品牌或商戶獲金獎，香港賽馬會就喺「綜合品牌」類別得金獎。
馬會話，內地五．一長假將至，估計屆時有大批內地人來港旅遊，馬會將會作好準備，迎接呢班客人，等佢哋歡歡喜喜嚟香港，開開心心返屋企咁話。至於其他獲獎者，包括翠華餐廳、鴻星海鮮酒家、有骨氣集團、新世紀廣場、新城市廣場、中旅社、莎莎、卓悅、雅施化粧品中心、崇光百貨、屈臣氏、修身堂、美億珠寶、賣電器同電子產品嘅百老匯、華仁會同豐澤等等。
傳真︰2623-9278
電郵︰[email protected]