內地多個城市連日爆發反日潮，廣州亦有市民上街示威，為免殃及池魚，一眾港星容祖兒、古巨基、余文樂、黃伊汶、2R和黃家強等原定前日在廣州出席「雪碧（我的選擇）中國原創音樂流行榜2004年度頒獎典禮」，大會亦特別延至昨日舉行，場外雖有二百公安巡邏，但氣氛未見緊張。
昨日余文樂穿戴一身日本品牌BAPE（猿人）的帽子及T恤到場，他說：「大家分開嚟睇，係咪因為抗日唔做日本人生意？」他表示早前到上海參與電影《頭文字D》宣傳，見當地市民和平示威，未知該片女角鈴木杏會否感到擔心？樂仔說：「佢有少少，但都冇事，佢係細路女，都唔關佢事。」
另外，對於日本篡改侵華歷史，黃家強說：「其他國家見證到呢啲歷史㗎，日本人民唔會咁愚昧，淨係相信自己嘅教科書，當佢哋大個時，見到國家對自己做過嘅嘢唔認，都會鄙視自己嘅國家啦。」2R則表示對示威未感擔心，Race說：「我哋都係華人，分分鐘示威埋一份。」
曾小嘉廣州直擊