郭富城去年十月舉行首部份演唱會後，下月底假紅館舉行演唱會延續篇，並以森林為主題。他表示所有服飾均會重新設計，相信亦不乏性感戰衣。
郭富城昨日於尖沙嘴洲際酒店出席「飛越舞林演唱會2005二部曲」記者會，他坐着一個巨型綠色MirrorBall出場，氣派十足。
各贊助商紛紛送上禮物給城城，預祝他演唱會成功，舒適堡更即時送上一張代言人合約給他。
城城將於下月三十一日至六月三日假紅館舉行一連四場的演唱會，他坦言感到一定的壓力：「因為之前做嘅口碑好好，之後我攞埋個舞蹈嘉年華獎，我諗大家對我嘅期望會重高。」今次城城會以不同類型的森林作主題，服裝亦會截然不同，他說：「因為張叔平一件衫都唔畀我翻着，所以會全部做過晒啲衫。」
城城去年的演唱會中有不少性感打扮，問他今次會否再有突破及是否沒有底線？城城笑說：「唔知㗎，總之係大家都鍾意嘅性感啦，不過演唱會又點會冇底線呢？我都唔知張叔平會做啲乜衫畀我。」
此外，海洋皇宮拖欠員工遣散費，張耀榮父子都是股東，張耀榮被問到會否將城城演唱會其中一場的收益撥給海洋皇宮員工時，他坦言：「呢件事都唔關我事，我賣咗畀人哋，況且演唱會同呢件事係兩樣嘢嚟，唔可以一齊講。我唔會捐錢出嚟，捐錢咪即係自找麻煩，我個仔（張永新）話佢已經捐咗三十萬，同埋以前邊有遣散費呢樣嘢。」
採訪：胡比
攝影：葉君海
