「死因未明以後唔敢生BB」
劉美娟初生愛兒24小時夭折

劉美娟兩個月前誕下愛兒，可惜兒子出生不到二十四小時便夭折，經過解剖後，確定BB是因頭部出血致死，但出血原因不明，死因裁判庭方面亦表示不需為BB死因開庭聆訊，劉美娟傷心地表示以後不敢生BB。

劉美娟和張崇德四年多前結婚，去年劉美娟更懷有身孕，今年二月中她在一間私家醫院，以自然分娩誕下男嬰，夫妻二人十分開心，怎料他們的愛兒在出世不到二十四小時便夭折。對於兒子不明不白死去，劉美娟和張崇德聲言要追究到底。

「醫生話冇問題」
劉美娟前晚出席好友黎美嫻的婚宴時，記者見她豐滿了不少，便問她是否有身孕，但她因出席朋友的喜宴而不願談及自己的傷心事。昨日記者再致電劉美娟時，她才透露愛兒不幸夭折之事，她說：「個仔係自然分娩，當時我喺產房，醫生用真空抽吸器吸個BB出嚟，點知BB出世後唔識喊，我就問醫生會唔會有事，醫生話冇問題，後尾抱咗佢去沖涼，沖完涼出嚟就插晒喉，我同老公都好擔心，到第二日，醫院就建議我哋送BB去公立醫院診治，點知搶救咗七個鐘就死咗。」
對於兒子不幸夭折，劉美娟曾要求死因裁判庭裁決，她氣忿地說：「死因裁判庭話唔使開庭，我聽到呢個結果重傷心過個仔走咗，我唔係話𠵱家要追究邊個嘅責任，但個仔死咗，對我兩夫妻打擊好大，如果唔知係乜嘢死因，係會影響我兩個以後唔敢生BB，個仔早排已經火葬咗。」

「點解頭部會出血」
張崇德昨日在電話中說：「我太太喺二月十九日順產，生咗個仔出嚟後唔夠一日就冇咗，解剖BB後，話死因係頭部出血，我同老婆都好想知道點解個BB頭部會出血，𠵱家交代得唔清唔楚，所以我好希望可以搵出真相，等其他人都可以注意吓呢啲問題，唔好再發生呢啲不幸事。」
採訪：陳月媚　攝影：陳慧安、娛樂突發組