天氣開始轉熱，溫度高企下令胃口大失，作為一家之「煮」的蕭太，為令家中各位大帝胃口大開，特別設計了兩款開胃菜式，一道特色冷盤加一道酸甜菜式，兩者都是由家傳戶曉的傳統菜式加以改良而成，前者入口冰涼鮮甜，後者不油不膩，味道酸咪咪，令胃口大開，飯都扒多兩碗！
文：梁諾宜
攝影：楊錦文
示範：青衣區讀者蕭太
改良傳統菜減油膩
夏天天氣熱得令人有點失胃口，太濃太膩的菜式反而令人倒胃口，蕭太就是看準這點，將傳統菜式加以改良，變成一道道開胃、清淡而又不太油膩的夏天開胃菜。蕭太的爸爸以前是一位大廚，但老一輩為求做到香口效果，菜式都煮得較油膩，現代人講求健康至上，所以蕭太喜歡將傳統菜式加以改良，將油膩感減到最低，一來可以增加食慾，二來又可以食得健康。
海鮮加大菜變啫喱凍
蕭太稱，海鮮啫喱凍其實即係海鮮羹改良版，做法好簡單，海鮮唔肥膩，入口又爽又涼，好適合夏天食。另一味改良自咕嚕雞球的酸甜黃金雞，食落則無咕嚕雞球咁油膩。蕭太稱：「因為我將雞改用煎嘅方法去做，加上柚子蜜又夠潤喉、消滯，味道醒胃又健康，好適合小朋友送飯。」
海鮮啫喱凍
自製價：$25/4人份量
用料以海鮮為主，所以啫喱凍零舍鮮甜，再配以雜菜粒在內，令賣相更具吸引，見到都口水流，入口爽又冰涼，爽呀！
用咩料：
蝦仁 4両
帶子（切粒） 4両
蟹柳（切粒) 4條
大菜 10條
雜菜粒 少許
清雞湯 1罐（細）
芫荽 少許
調味料：
胡椒粉 少許
小貼士：
1.大菜浸軟後，切記要將所有水份瀝乾，否則浸過大菜的水會影響到菜式的味道。
2.可用新鮮蘆笋切粒代替雜菜，口感會更佳，味道亦會更清甜。
酸甜黃金雞
自製價：$35/4人份量
是一款醒胃、增食慾的美味菜餚，味道酸酸甜甜，因為加入了柚子蜜及菠蘿，故味道酸得來沒有傳統的酸甜汁那麼酸及刺鼻，相反，重帶有清香味，易於入口，老人家都易接受。
用咩料：
無骨雞髀肉 2塊 菠蘿 1罐（細）
青椒（切角） 1隻 紅椒（切角） 1隻
黃椒（切角） 1隻
醃料：
胡椒粉 少許
糖 半茶匙
豉油 半茶匙
鹽 少許
喼汁 1茶匙
生粉 1茶匙
生油 半茶匙
調味料：
柚子蜜 2湯匙
菠蘿汁、白醋 各1湯匙
生粉 1茶匙
水 2湯匙
小貼士：
1.雞件在煎前加少許生油拌勻，生油有助封住肉汁，令雞肉保持嫩滑。
2.雜椒及菠蘿不宜炒太長時間，否則會失去所含營養，最佳方法是快炒至剛熟程度。
柚子皮可解鬱消滯
柚子由果肉到果皮都具備不同的保健作用，柚皮有化痰止咳、止喘、解鬱消滯等功能，常服能強健肺部。柚肉則含有豐富維他命C，每克就含有230毫克，比橙及檸檬多三倍，多食能加強身體免疫力，降低血液中的膽固醇，能預防高血壓，可以保持皮膚彈性、防止皺紋、抑制黑色素形成等，其果膠成份更能有助降低血脂及將柚子肉蘸糖食，更可以消除口腔中酒氣，而現代醫學更發現，柚子有預防腦血栓、減肥等效果，中、老年人不妨多吃。
