煲呔座駕俾《蘋果》捉到連續幾日違例切線，噚日就乖乖哋依足交通規則做事，嗱，香港人最唔鍾意搞特權，煲呔切忌未富先貴，第日坐正咪更無法無天。
其實煲呔都只係等多兩個幾月當選之後搬去上亞厘畢道禮賓府住，就可以行路去教堂，唔使坐車啦，反正禮賓府𠵱家重修緊，應該趕及佢上任後入住，鎮番住啲龍氣。
講開煲呔，原來佢都好長情，上周三佢喺白加道VictoriaHouse府邸設宴請老董，算係歡送兼敍舊。聽講唐唐、詩姐姐同十一局局長都到齊，董太就人不在香港所以冇到喎，唔知佢係咪唔想再見舊同袍，怕觸景傷情？
老董當晚面色唔錯，不過，仍然有啲唔妥當，佢話喺上海時都要休息休息。
傳真︰2623-9278
電郵︰[email protected]