昨日內地有多個城市繼續發起激烈的反日示威，香港亦有市民上街遊行，來港宣傳的韓國演員「鄭尚宮」呂韻季也直指日本政府行為不當，揚言會罷買日貨及拒絕到日本旅遊。楊千嬅昨到深圳拍廣告時路經遊行地點，她與不少藝人都同聲表示理解遊行人士的心情，但呼籲大家保持理性。
內地昨日續有激烈的反日遊行，多個城市都有數以萬計市民上街抗議，香港亦有數千市民遊行示威，部份藝人支持遊行，並就日本篡改侵華歷史表態，同時也有人呼籲遊行人士保持冷靜。而目前正在香港宣傳韓劇《大長今》的演員「鄭尚宮」呂韻季，昨日亦表態支持反日，直言不會買日貨也不會去日本旅遊。
早前韓國與日本就獨島主權發生爭議，引發韓國民眾不滿及上街示威，近日《大長今》演員「鄭尚宮」呂韻季及「小長今」趙貞恩來港宣傳，鄭尚宮昨日出席商場簽名活動，被問到對反日浪潮的看法時，她透過繙譯回應說：「我都覺得係日本唔啱，我暫時都唔會買日本貨品，亦都冇計劃去日本旅行。」
而成龍昨日偕同曾志偉、衛視主持吳小莉與中華小姐李詩琪等人，出發往印尼海嘯災區作親善訪問。成龍被問到對反日浪潮的看法時，他說：「今日唔講呢啲嘢。」再提到香港昨日亦有反日遊行時，成龍只拋下一句：「遲啲答你。」隨即匆匆入閘。
至於曾志偉則大方地回答說：「我覺得表達個人意見係啱嘅，改歷史每個中國人都唔滿意，示威亦無可厚非，但唔可以做暴力事件去表達，千萬要冷靜，表現出中國人嘅文化，唔好俾小撮人覺得我哋係搞事。」
楊千嬅前晚在番禺舉行演唱會，昨日她轉往深圳，由於當地亦有反日示威，遊行人數更多達三萬人，有群眾在日資商店外聚集期間與警察發生衝突，但千嬅經理人公司並未有特別加強保安。千嬅接受電話訪問時說：「今日我喺番禺坐車去深圳，一路唔覺有乜嘢異樣，只係到酒店時見到對面嘅西武百貨圍晒紅布，門口有好多公安守住，條街都算好平靜，聽日我要幫一個服裝廣告拍硬照，今晚因為好攰，我會留喺酒店休息，唔會周街去。」
對於連日來各地舉行的反日示威，千嬅說：「我好理解中國同胞嘅心情，佢哋都係想向日本政府表達不滿，不過我好希望市民以理性方法去表達，千祈唔好演變成暴力事件，同時我希望日本政府能夠認真面對史實。」
另一方面，古巨基、黃伊汶、容祖兒及李克勤等，今日在廣州天河體育館出席雪碧榜頒獎典禮，該頒獎禮本定於昨日舉行，因當地舉行大型反日遊行，遂改在今晚舉行。問到基仔會否要求大會加強保安時，他說：「等大會安排啦，而且遊行人士係針對日本，我唔擔心。」黃伊汶則說：「遊行同工作係兩回事，我只係藝人身份上去演出，唔使擔心，公司平時都有足夠人手幫我，所以冇必要加強保安。」
何韻詩昨日在銅鑼灣接受訪問時則說：「我覺得遊行都係市民表達不滿嘅方式，而且呢件事係可以喺一個好和平嘅情況下進行，希望大家唔好太過激進。我認為改教科書都唔係咁應該囉，但係襲擊日本人就唔係咁好，總之大家唔好咁激啦。」曹敏莉則說：「我知件事係中國人不受尊重，我支持遊行，啲人遊行係啱嘅，但要斯文啲，以平靜心情去行。」問她會否減少買日貨時，曹敏莉答：「行為唔可以咁激嘅。」
羅蘭昨出席「太極不倒翁」社區長者防跌計劃時說：「唔使一定要用示威方式，寧願大家和平啲，咁會俾人覺得我哋好暴躁，最好嘅方式係國民齊心啲搞好科技，等我哋叻過佢哋。」E-kids成員Tommy在九龍城出席活動時說：「唔使咁激動，愈激就愈麻煩，搵啲大人坐低傾啦，唔可以話罷買日貨，我唔信冇人着日本衫。不過改歷史就一定唔啱，有錯就要認，冇理由唔畀人知。」
採訪：王崇穎、李珮洳 攝影：陳偉權
