漁農自然護理署署長陳鎮源噚日帶記者去船灣郊野公園行山，登臨剛落成嘅荔枝窩觀景台，鳥瞰背靠風水林嘅荔枝窩古村，遠眺景色怡人嘅印洲塘海岸公園，不忘緬懷抗日時曾被日軍作為後勤基地嘅荔枝窩布局。
梅子林村村代表曾玉安特別帶署長參觀荔枝窩風水林嘅一棵「五指樟」樹。佢話，「當年日軍侵佔荔枝窩，想斬咗五指樟嚟做樟木槓。結果佢哋斬走五指其中一指，村民群起反抗，重殺咗兩個漢奸洩憤。」
今日村中嘅「五指樟」雖然只剩番四支樹幹，但足見當年村民抗日保衞家園有加。
傳真︰2623-9278
電郵︰[email protected]